ملتان (وقائع نگار خصوصی) وائس چانسلر جلال آباد اسٹیٹ یونیورسٹی کرغستان پروفیسر ڈاکٹر بشیر جاوید پراچہ کا نشتر میڈیکل یونیورسٹی کا دورہ۔ وائس چانسلر نشتر میڈیکل یونیورسٹی سے ملاقات۔ تعلیمی اور تحقیقی موضوعات پر گفتگو اور مفاہمت کی یادداشت پر دستخط کرنے پر اتفاق۔تفصیلات کے مطابق  وائس چانسلر جلال آباد اسٹیٹ یونیورسٹی کرغستان پروفیسر ڈاکٹر بشیر جاوید پراچہ نے گزشتہ روز نشتر میڈیکل یونیورسٹی کا دورہ کیا اور وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد سے ان کے آفس میں ملاقات کی۔ دوران ملاقات باہمی دلچسپی کے آمور سمیت مختلف تعلیمی اور تحقیقی موضوعات پر تفصیلی تبادلہ خیال کیا گیا اور اس موقع پر دونوں جامعات کے درمیان فیکلٹی کے دوروں سمیت مشترکہ ریسرچ پراجیکٹ کے حوالے سے مفاہمت کی یادداشت پر دستخط کرنے پر بھی اتفاق کیا گیا۔ وائس چانسلر نشتر میڈیکل یونیورسٹی پروفیسر ڈاکٹر رانا الطاف احمد نے معزز مہمان کو یادگاری شیلڈ بھی پیش کی۔