راولپنڈی: سابق ڈی جی آئی ایس آئی لیفٹیننٹ جنرل ریٹائرڈ فیض حمید کی صاحبزادی انوشہ چوہدری حال ہی میں رشتہ ازدواج میں منسلک ہوئی ہیں۔لیفٹیننٹ جنرل ریٹائرڈ فیض حمید کی صاحبزادی کی شادی کی تصاویر اور ویڈیو سامنےآئی ہے، سوشل میڈیا پر وائرل ویڈیو میں فیض حمید کی صاحبزادی کو عروسی لباس میں والد کے ہمراہ اسٹیج تک جاتے دیکھا جا سکتا ہے۔ لیفٹیننٹ جنرل ریٹائرڈ فیض حمید کی صاحبزادی انوشہ چوہدری نے شادی کے لیے مہرون اور گولڈن رنگ کے امتزاج کا سوٹ زیب تن کیا۔ شادی کی تقریب کے حوالے سے کچھ تصاویر بھی سوشل میڈیا پر زیر گردش ہیں جن میں سابق آرمی چیف، سابق ڈی جی آئی ایس پی آر عاصم سلیم باجوہ، وزیراعظم آزاد کشمیر تنویر الیاس اور پی ٹی آئی رہنما فواد چوہدری کو بھی دیکھا جا سکتا ہے۔مزید برآں شادی کی تقریب میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا کے علاوہ چیئرمین سینیٹ صادق سنجرانی، شاہ محمود قریشی اور اسد عمر بھی شریک ہوئے۔