کشمور (نوائے وقت رپورٹ) کشمور میں کچے کے ڈاکوؤں نے 12 گھنٹے میں 10 افراد اغوا کر لیے۔ گزشتہ شب انڈس ہائی وے پر ڈاکوؤں نے گاڑیوں سے لوٹ مارکے بعد 9 افراد کو اغوا کر لیا۔ گزشتہ روز مزید ایک شخص کو اغوا کیا گیا۔ مغوی کے ورثاء نے کشمور کندھ کوٹ انڈس ہائی وے پر دھرنا دے دیا اور مغوی کی بازیابی کا مطالبہ کیا۔ دھرنے کے باعث سندھ، پنجاب اور بلوچستان کے درمیان ٹریفک معطل ہو کر رہ گئی۔ دوسری جانب سینیئر سپرنٹنڈ آف پولیس آپریشن احمد بروہی کے مطابق مغویوں کی بازیابی کے لیے آپریشن تیز کر دیا ہے۔