این اے 127 میں پی پی ورکرز کنونشن‘ جیالے گتھم گتھا‘ تھپڑوں کی بارش

لاہور (نوائے وقت رپورٹ) پیپلز پارٹی کے ورکرز کنونشن این اے 127 میں چیئرمین بلاول بھٹو کی آمد سے قبل جیالے ایک دوسرے سے لڑ پڑے۔ کنونشن میں اگلی کرسیوں پر بیٹھنے کے معاملے پر جھگڑا ہوا۔ ڈسٹرکٹ صدر امجد جٹ‘ اسلم گڑ اور چودھری ریاض کے حامیوں نے ایک دوسرے پر گھونسوں اور تھپڑوں کی بارش کر دی۔ اس دوران امجد جٹ کا بھائی امین جٹ زخمی ہو گیا۔ پولیس نے موقع پر پہنچ کر بیچ بچاؤ کرایا۔ واضح رہے کہ عام انتخابات 2024ء کے سلسلے میں سیاسی جماعتوں کی جانب سے ملک بھر میں ورکرز کنونشن اور دیگر سرگرمیاں منعقد کی جا رہی ہیں۔