لاہور(سپورٹس رپورٹر)آسٹریلیا میں وائٹ واش نے پاکستانی ٹیم کو ٹیسٹ چیمپئن شپ میں پہلے سے چھٹے نمبر پر پہنچا دیا ہے۔قومی ٹیم نے اس ٹور کا آغاز پوائنٹس ٹیبل میں ٹاپ پوزیشن سے کیا جو اسے سری لنکا پر 2 میچز کی سیریز میں کلین سوئپ فتح کی بدولت 100 فیصد پر سنٹیج سے حاصل ہوئی تھی۔پر تھ میں کھیلے گئے پہلے ٹیسٹ میں شکست سے شروع ہونے والا تنزلی کا یہ سفر سیریز کے اختتام پر ٹیم کو چھٹے نمبر پر پہنچا کر ختم ہوا، حالیہ دورانیہ میں پاکستان نے اب تک کھیلے گئے اپنے 5 ٹیسٹ میچز میں 2 فتوحات اور 3 ناکامیوں کا سامنا کیا، اس کے پوائنٹس اور 36.66 کی پرسنٹیج ہو گئی۔ٹاپ پر آسٹریلیا 56.28 کی پرسنٹیج کیساتھ موجود ہے۔ دوسرے سے پانچویں نمبر تک بالترتیب بھارت، جنوبی افریقہ ، نیوزی لینڈ اور بنگلہ دیش موجود ہیں، ویسٹ انڈیز،ساتویں،انگلینڈ آٹھویں اور سری لنکانویں نمبر پر ہے۔