لاہور(سپورٹس رپورٹر ) سڈنی ٹیسٹ میچ کے اختتام پر قومی ٹیم کے وکٹ کیپر بیٹر محمد رضوان ایک مرتبہ پر سوشل میڈیا کی زینت بن گئے۔ قومی ٹیم کے وکٹ کیپر بیٹر محمد رضوان کی پنک ٹیسٹ میچ کے اختتام پر سابق آسٹریلوی فاسٹ بائولر گلین میک گرا فانڈیشن کی خاتون ممبر سے ہاتھ نہ ملانے کی ویڈیو سوشل میڈیا پر وائرل ہوگئی۔سڈنی ٹیسٹ میچ کے اختتام پر قومی ٹیم کے کھلاڑیوں نے میک گرا کے خاندان سے ملاقات کی مصافحہ بھی کیا تاہم وکٹ کیپر بیٹر محمد رضوان نے خاتوان سے ہاتھ نہ ملایا تاہم احتراما اشارے سے انکا جواب دیا۔ میک گرا فانڈیشن چھاتی کے کینسر سے آگاہی سے متعلق کام کرتی ہے، کرکٹر نے 2008 ء میں اہلیہ کے انتقال کے بعد انکی بنیاد رکھی تھی۔