لاہور(سپورٹس رپورٹر)پاکستان کے ٹی ٹونٹی سکواڈ میں شامل بابر اعظم، صائم ایوب،محمد رضوان،عامر جمال،شاہین آفیری اور وسیم جونیئر گزشتہ روز آسٹریلیا سے نیوزی لینڈ پہنچ گئے۔ آسٹریلیا کے خلاف ٹیسٹ سیریز کے اختتام پر شان مسعود،عبداللہ شفیق،امام الحق، سعود شکیل، سرفراز احمد، ساجد خان‘ میر حمزہ ‘سلمان آغا‘ حسن علی‘ فہیم اشرف گزشتہ روز وطن واپس روانہ ہوئے۔ٹی ٹونٹی سکواڈ کے 6کھلاڑی پہلے ہی نیوزی لینڈ پہنچ چکے ہیں ۔ بگ بیش لیگ کھیلنے والے کرکٹرز حارث رئوف ‘اسامہ میر اور زمان خان پہلے ہی سکواڈ جوائن کرچکے ہیں ۔ دونوں ٹیموں کے درمیان پانچ میچوں پر مشتمل ٹی ٹونٹی سیریز 12جنوری سے شروع ہو گی ۔پہلا میچ آکلینڈ میں کھیلا جائیگا۔