فیروز والہ : چھوٹو اور موٹو گینگز کے سرغنوں سمیت 5 ملزم گرفتار

 فیروزوالہ( نامہ نگار) صدر مرید کے پولیس نے علاقہ میں دہشت کی علامت سمجھے جانے والے ہاؤس رابری، ڈکیتیاں،اور رابطہ سڑکوں پر ناکے لگا کر لوٹ مار کرنے والے چھوٹو اور موٹو خطرناک ڈاکوؤں کے گروہوں کے سرغنوں سمیت 5 ارکان کو گرفتار کر کے لوٹا ہوا لاکھوں روپے مالیت کا قیمتی سامان اور نقدی‘ مویشی اور موٹر سائیکلیں اورناجائز اسلحہ برآمد کر لیا۔گرفتار ڈاکوؤں نے ابتدائی تفتیش میں دو درجن کے قریب وارداتوں کا انکشاف کیا۔گرفتار ملزمان میں شکیل احمد، ارسلان، جنید، شمون اورزوہیب شامل ہیں ۔پولیس نے ان کی نشاندہی پر لوٹا ہوا مال برآمد کر لیا۔ ایس ایچ او صدر مرید کے کے ظہیر عالم شاہ کے مطابق ڈاکو واردات کرنے سے قبل علاقہ کے راستوں کو پوائنٹ بنا کر واردات کرتے تھے ۔ ملزمان کا تعلق مختلف علاقوں سے بتایا گیا ہے۔ پولیس نے ان کیخلاف مقدمات درج کرلئے ہیں۔