ذرائع کےمطابق سکیورٹی فورسز نے اپر اورکزئی ایجنسی کےعلاقوں خادیزئی، ماموزئی، ڈبوری اورمولاپٹی میں آج علٰی الصبح شدت پسندوں کے ٹھکانوں کو نشانہ بنایا ۔ شدت پسندوں کی خفیہ پناہ گاہوں پرجیٹ طیاروں کی بمباری اورگولہ باری سے ان کے پانچ ٹھکانے تباہ ہوئے ۔ اس کارروائی میں پندرہ شدت پسند ہلاک اوربیس سے زائد زخمی ہوگئے ۔ آپریشن کے بعد فورسز کے زمینی دستوں نے علاقے کو گھیرے میں لے لیا اورسرچ آپریشن شروع کردیا ۔