اسلام آباد(صباح نیوز)پاکستان کی تاریخ میں پہلی مرتبہ دنیا کا سب سے بڑا کمرشل سفری جہاز اے-380 مجموعی طور پر 800 مسافروں کو لیکر آج 8 جولائی کو دبئی سے نیو اسلام آباد ائرپورٹ پہنچے گا۔سول ایوی ایشن اتھارٹی (سی اے اے)کی جانب سے جاری اعلامیہ کے مطابق نیواسلام آباد ائرپورٹ میں اس حوالے سے تمام انتظامات مکمل کر لیے گئے ہیں اور تمام سٹاف کو اس روز اپنی حاضری یقینی بنانے کا حکم دیتے ہوئے مراسلہ بھی جاری کر دیا گیا ہے۔ اے-380 12 بجکر 10 پر اتریگا۔اس سے قبل پاکستان کے 42 ہوائی اڈوں میں اس طرح کے بڑے جہاز کے لینڈ کرنے کی سہولت میسر نہیں تھی۔