ایلسٹرکک سمیت چھ انگلش ٹیسٹ  پلیئرز بھارت اے کے خلاف چار ر وزہ میچ میں ایکشن میں نظر آئیں گے

لندن (اے پی پی) انگلینڈ نے رواں ماہ بھارت اے کرکٹ ٹیم کے خلاف شیڈول چار روزہ ٹور میچ کیلئے انگلینڈ لائنز سکواڈ کا اعلان کر دیا، ایلسٹرکک سمیت 6 انگلش ٹیسٹ پلیئرز لائنز کی طرف سے ایکشن میں دکھائی دیں گے، انگلینڈ لائنز اور بھارت اے کے درمیان چار روزہ ٹور میچ 16 جولائی سے شروع ہو گا۔ انگلینڈ لائنز سکواڈ ایلسٹرکک، رورے برنز، نک گوبنز، ڈیوڈ میلان، اولی پوپ، کرس ووکس، ثام کیورن، ڈوم بیس، میتھیو فشر، جیک لیچ اور جیمی پورٹر پر مشتمل ہے۔