ومبلڈن اوپن ٹینس : اعصام الحق کی جوڑی مکسڈ ڈبلز سے بھی آئوٹ

لاہور (نمائندہ سپورٹس) برطانیہ میں جاری ومبلڈن اوپن ٹینس چیمپئن شپ کے مینز سنگلزمیںرافیل نڈال ‘ ڈیل پوٹرو‘گائلز سائمن نے پری کوارٹر فائنل میں جگہ بنالی ۔ سپین کے رافیل نڈا ل نے ڈی منائور کو چھ ایک ‘چھ دو اور چھ چار سے شکست دی ۔گائل سائمن نے ایم ابڈین کو چھ ایک ‘تین سات ‘چھ تین اور سات دو سے ہر ادیا ۔ جو این ڈیل پوٹرو نے بی پیئر کے خلاف چھ چار ‘سات چار اور چھ تین سے کامیابی حاصل کی۔ویمنز سنگلز میں انجلیق کربر ‘اے سسنووچ ‘ڈی کیبلکووا ‘بی بینسک ‘جے اوسٹا پینکو ‘ایس ہسی ‘ڈی کاستکینا اور وین اوٹوینک نے پری کوارٹر فائنل میں جگہ بنالی ۔ جرمنی کی انجلیق کربر نے جاپان کی نائومی اوساکا‘سسنو وچ نے گوئوری لووا ‘کیبلکووا نے ای مرٹنز ‘بینسک نے سواریز نیوا رو ‘اوسٹا پنکو نے ڈینا چنکو ‘تائیوان کی عالمی نمبر 48ہسی سو وئی نے رومانیہ کی ٹاپ سیڈ عالمی نمبر ایک سیمونہ ہالیپ کو ہرا یا ۔ ہسی پہلی بار پری کوارٹر فائنل میں پہنچی ہیں جہاںمقابلہ ڈومنیکا کیبلکووا سے ہوگا۔ پاکستان کے اعصام الحق کی جوڑی مکسڈ ڈبلز کے دوسرے رائونڈ میں بھی ہار گئی ۔ اعصام الحق قریشی اور اے پار ا سنتوجا پر مشتمل جوڑی کو وائن چن اور آئی ڈاڈگ کی جوڑی نے یکطرہ مقابلے کے بعد چھ چار اور چھ چار سے شکست دے کر ایونٹ سے باہر کردیا۔ اعصام الحق کی جوڑی مینز ڈبلز میں بھی باہر ہو چکی ہے ۔