ڈی جی آئی ایس پی آر نے ٹویٹ کرتے ہوئے کہا ہے کہ آرمی چیف جنرل قمر جاوید باجوہ نے موٹاپے کے شکار نور الحسن کے انتقال پر گہرے رنج و غم کا اظہار کیا۔
تفصیلات کے مطابق سماجی رابطوں کی ویب سائٹ ٹویٹر پر ڈی جی آئی ایس پی آر کے اکاؤنٹ کے ذریعے کہا گیا ہے کہ نور الحسن کے انتقال پر آرمی چیف نے اپنے گہرے رنج کا اظہار کیا ہے۔
پاک فوج کے شعبہ تعلقاتِ عامہ کے ڈائریکٹر جنرل کے مطابق آرمی چیف جنرل قمر جاوید باجوہ نے کہا کہ ہم صرف کوشش کر سکتے ہیں، باقی جو اللہ کی مرضی۔
COAS expresses grief on sad demise of Mr Noor Hassan, earlier air lifted to Lahore for treatment at private hospital.
— DG ISPR (@OfficialDGISPR) July 8, 2019
“Will of Allah is to be done while one can only make an effort. May Allah bless the departed soul. Aamen”, COAS.
آرمی چیف نے موٹاپے کے شکار مریض کے لیے دعا بھی کی، کہا اللہ نور الحسن کے درجات بلند کرے۔
یاد رہے کہ موٹاپے کے شکار صادق آباد کے رہائشی نورالحسن نے اپنے علاج کے لیے آرمی چیف جنرل قمر جاوید باجوہ سے درخواست کی تھی۔
آرمی چیف کی ہدایت پر نورالحسن کو آرمی ہیلی کاپٹر کے ذریعے لاہور کے ہسپتال منتقل کیا گیا تھا، جہاں ان کا علاج کیا جا رہا تھا۔
