اسلام آبا(وقائع نگار خصوصی)سپیکر قومی اسمبلی اسد قیصر نے پارلیمانی جماعتوں کے رہنمائوں کا اجلاس آج 4بجے شام پارلیمنٹ ہائوس طلب کر لیا ہے ۔ سپیکر قومی اسمبلی اجلاس کی صدارت کریں گے، یہ اجلاس منگل کو بلایا گیا تھا جو اچانک ایک روز کے لئے ملتوی کر دیا گیا اس سے قومی اسمبلی پارلیمانی رہنمائوں کے اجلاس میں قومی اسمبلی کے 23 ویں سیشن کے ایجنڈے اور دوران سیشن ضابطہ کار کے تحت نظم و ضبط کو قائم رکھنے کے متعلق امور پر بات کی جائے گی۔اجلاس میں وفاقی وزرا پرویز خٹک،شاہ محمود قریشی، اسد عمر، شیریں مزاری، طارق بشیر چیمہ، سید امین الحق، شیخ رشید احمد، وزیر مملکت برائے پارلیمانی امور علی محمد خان اور وزیر اعظم کے مشیر برائے پارلیمانی امور ڈاکٹر ظہیر الدین بابر کو شرکت کی دعوت دی گئی ہے، جی ڈی اے سے غوث بخش خان مہر، بلوچستان عوامی پارٹی سے خالد حسین مگسی، بلوچستان نیشنل پارٹی سے محمد اختر مینگل اور محمد اسلم بھوتانی کو مدعو کیا گیا ہے جبکہ اپوزیشن جماعتوں کے ارکان اسمبلی کو بھی اجلاس میں مدعو کیا گیا ہے۔