قاسم اکرم سی پی ایل میں سینٹ کٹس اینڈ نیوس پیٹریاٹس کی نمائندگی کیلئے تیار

لاہور (سپورٹس رپورٹر) پاکستان کے انڈر 19 کپتان قاسم اکرم کو کیریبین پریمیئر لیگ کے آئندہ سیزن کیلئے سینٹ کٹس اینڈ نیوس پیٹریاٹس نے ٹیم میں شامل کر لیا ہے۔ کوئی بھی بین الاقوامی فرنچائز ٹی ٹونٹی لیگ کھیلنے کا قاسم اکرم کا یہ پہلا تجربہ ہوگا۔ قاسم اکرم 2022ء کے انڈر 19 کرکٹ ورلڈ کپ میں اپنے کارناموں کے بعد شہرت کی بلندیوں کو چھو چکا ہے۔ کیونکہ اس نے پورے ٹورنامنٹ میں بلے اور گیند دونوں سے اپنی کلاس کی جھلک دکھائی۔آل راؤنڈر ٹورنامنٹ کے پہلے ہاف کیلئے سینٹ کٹس اینڈ نیوس پیٹریاٹس کیلئے دستیاب ہوں گے ۔