لاہور(سپورٹس رپورٹر)کامن ویلتھ گیمز کی تیاری کیلئے پاکستان ہاکی ٹیم کے ہیڈ کوچ سیگفرائیڈ ایکمین لاہور پہنچ گئے ہیں۔ہالینڈ سے تعلق رکھنے ایکمین کی ویزا مسائل کی وجہ سے آمد میں دو ہفتے تاخیر ہوئی ہے۔قومی ہاکی ٹیم کے ہیڈ کوچ کا کہنا تھا کہ تمام لوگوں کا شکریہ ادا کرنا چاہتا ہوں جنہوں نے میری مدد کی، ٹیم کو جوائن کرنے کیلئے بے تاب ہوں۔رواں ماہ برطانیہ کے شہر برمنگھم میں ہونے والے کامن ویلتھ گیمز میں شرکت کیلئے قومی ہاکی ٹیم کا تربیتی کیمپ لاہور میں شروع ہوگیا ہے۔ ہاکی ٹیم کا تربیتی کیمپ 8 جولائی سے عید کی چھٹیوں کے وقفے کے بعد 23 جولائی تک جاری رہے گا، جس کے بعدقومی ٹیم برمنگھم روانہ ہوگی۔