گلگت، تیز رفتار گاڑی کھائی میں جاگری ، ایک ہی خاندان کے 5 افراد جاں بحق 

گلگت (نوائے وقت رپورٹ) کوہستان پولیس کے مطابق افسوسناک واقعہ قراقرم ہائی وے داسو کے قریب کیرو کے مقام پر پیش آیا، ابتدائی اطلاعات کے مطابق پک اپ گاڑی گلگت جارہی تھی کہ تیز رفتاری کے باعث ڈرائیور سے بے قابو ہوکر گہرے کھائی میں جاگری۔حادثے کے نتیجے میں پانچ افراد موقع پر ہی جاں بحق ہوگئے، واقعے کی اطلاع ملتے ہی امدادی ٹیمیں جائے حادثے پر پہنچی اور لاشوں کو نکال کر تحصیل ہسپتال پٹن لوئر کوہستان منتقل کیا، جاں بحق افراد کا تعلق ایک ہی خاندان سے ہے اور وہ گلگت کے رہائشی تھے۔جاں بحق افراد کی شناخت میرعالم، محمد فاروق، فضل واحد، بلبل نبی کے ناموں سے ہوئی ہے۔واضح رہے کہ مئی میں بھی کوہستان پٹن میں دلخراش واقعہ پیش آیا تھا جہاں ایمبولینس میں بزرگ کی لاش کو سوات منتقل کیا جارہا تھا کہ پھسلن کے باعث وہ گہری کھائی میں جا گری، دلخراش واقعے کے نتیجے میں خاتون سمیت آٹھ افراد جاں بحق ہوگئے تھے۔