اسلام آباد(نا مہ نگار)ایئر بلیو نے 7جولائی سے اسلام آباد سے اسکردو کیلئے پروازیں شروع کردیں،یہ ایئر لائن کی جانب سے حاصل کیا گیا ایک اور سنگ میل ہے، ایئر بلیوکے منیجنگ ڈائریکٹر اسلم چودھری کا کہنا تھا کہ ہمیں یہ سنگ میل حاصل کرنے پر بہت فخر ہے،اس سیکٹر پر پروازوں کے آغاز سے اسکردو کے اندر اور باہر ملکی اور بین الاقوامی سیاحت کی نئی راہیں کھلیں گی،جس کے نتیجہ میں خطہ کی سیاحت پر مبنی معیشت میں تیزی سے اضافہ ہوگا،مزید بر آں ہم اس بات پر پر امید ہیں کہ مسافروں کے سفر کے ہر قدم پر کی جانے والی ہماری محتاط تیاری ہمارے مسافروں میں زیادہ سہولت اور ذہنی سکون کے ساتھ سفر کرنے کا اعتماد پیدا کرے گی۔