آئندہ انتخابات میں نواز لیگ دو تہائی اکثریت حاصل کرکے نواز شریف کو وزیراعظم بنائےگی:حاجی ریاض

 فیروز والہ( نامہ نگار)پاکستان مسلم لیگ (ن) کے ضلعی تنظیم کے ڈپٹی جنرل سیکرٹری اور سابق چیئرمین ایم سی فیروز والا حاجی ریاض احمد نے کہا ہے کہ آئندہ عام انتخابات میں نواز لیگ دو تہائی اکثریت حاصل کرکے میاں محمد نواز شریف کو چوتھی بار ملک کا وزیراعظم بنائے گی۔ میاں محمد نواز شریف اور میاں محمد شہباز شریف کی قیادت میں ترقی کا سفر وہیں سے شروع کریں گے جہاں سے منقطع ہوا تھا۔ پی ٹی آئی اور فتنہ خان کی سیاست ہمیشہ کیلئے ختم ہوچکی اس کا فسادی چہرہ قوم نے دیکھ لیا ہے آ ج جب قانون کے شکنجے میں آ یا ہے تو ہر الزام سے ہمیشہ کی طرح یو ٹرن لے رہا ہے مگر قوم اسے قانون کے کٹہرے میں دیکھنا چاہتی ہے ۔