شرقپور شریف( نامہ نگار )حضرت سیدنا عثمان غنی ؓ کی سیرت وکراداراوران کا دورخلافت ہمارے لیے مشعل راہ ہے سیدنا عثمان غنیؓ کو حضوراکرم نے کئی بار جنت کی بشارت دی ۔ ان خیالات کا اظہار سجادہ نشین استانہ عالیہ شرقپور شریف صاحبزادہ میاں محمد صالح شرقپوری نے جمعہ کے اجتماع اور سویڈن میں قران پاک کی بے حرمتی کے خلاف مرکزی احتجاجی ریلی کی قیادت سے خطاب کرتے کیا۔انہوں نے کہا کہ سویڈن میں قران پاک کی بے حرمتی کرنے والا ملعون اپنے انجام کو پہنچے گا مغرب کو اظہار رائے کی آزادی اور مذہب کی توہین میں فرق کرنا ہوگا قران پاک کی بے حرمتی اور مقدس ہستیوں کی شان میں گستاخی مذہبی دہشت گردی ہے مسلم امہ تمام مذہب کا احترام کرتی ہے لیکن ہم کسی صورت قران پاک کی بے حرمتی برداشت نہیں کر سکتے ۔