دردناک واقعہ سے اربوں مسلمانوں کے جذبات کو شدید ٹھیس پہنچی :نرگس فیض ملک 

لاہور(لیڈی رپورٹر)پیپلزپارٹی شعبہ خواتین پنجاب کی جنرل سیکرٹری سابق ایم پی اے نرگس فیض ملک نے سویڈن میں سٹاک ہوم کی مسجد کے باہر قرآن پاک کو سرعام نذر آتش کرنے کے واقعہ کی شدیدمذمت کرتے ہوئے کہا کہ اس دردناک واقعے سے اربوں مسلمانوں کے جذبات کو شدید ٹھیس پہنچی ہے۔مسلم ممالک سویڈن کے ساتھ سفارتی تعلقات ختم کریں جبکہ ان گستاخانہ حرکات کا مستقل بنیادوں پر قلع قمع کرنے کیلئے عالمی سطح پر قانون سازی کی جائے۔