پاکستان سپورٹس بورڈ کا5 کوچنگ کورسز کرانے کا اعلان

لاہور(سپورٹس رپورٹر) پاکستان سپورٹس بورڈ نے روواں دو ماہ جولائی اور اگست میں پانچ کوچنگ کورسز منعقد کروانے کا اعلان کردیا ہے۔یہ کورسز وفاقی وزیر بین الصوبائی رابطہ احسان الرحمان مزاری اور پاکستان سپورٹس بورڈ کے ڈائریکٹر جنرل شعیب کھوسہ کی ہدایت پر منعقد کروائے جا رہے ہیں۔ پی ایس بی کوچنگ کورس سوات میں 11سے 15 جولائی تک منعقد ہوگا۔مظفرآباد 21 سے 25 جولائی تک، ملتان میں یکم سے 5 اگست تک، سکھر میں 7 سے 11 اگست تک اور ایبٹ آباد میں 17 سے 21 اگست تک منعقد ہونگے۔ کورس کے شرکاء کو پاکستان سپورٹس بورڈ کے ڈپٹی ڈائریکٹر جنرل شاہد اسلام اور ورلڈ اتھلیٹکس لیول ٹو لیکچرار و پاکستان سپورٹس بورڈ کے انسٹرکٹر نصراللہ رانا کے علاوہ دیگر مقررین کھیلوں کے حوالے سے مختلف امور پر لیکچرز دیں گے۔