سکردو: سیاحوں کی جیپ ندی میں جاگری، 5افراد جاں بحق، 2زخمی

سکردو (نوائے وقت رپورٹ) سکردو میں دیوسائی کے قریب سیاحوں کی جیپ کو خوف ناک حادثہ پیش آ گیا۔ مسافر جیپ حادثے کے بعد نیچے گہرے ندی نالے میں جاگری۔ جس کے نتیجے میں 5 افراد جاں بحق ہوگئے۔ واقعے میں دو افراد زخمی ہوئے جنہیں ہسپتال منتقل کردیا گیا جہاں انہیں طبی امداد فراہم کی گئی۔ متاثرہ سیاح کوئٹہ سے سیر کیلئے آئے تھے۔ ریسکیو 1122 کی ٹیمیں جائے وقوعہ سے لاشیں نکالنے میں مصروف ہیں۔