ڈائمنڈ لیگ پیرس‘ارشد ندیم میڈل جیتنے میں ناکام ‘ چوتھی پوزیشن 

لاہور(سپورٹس رپورٹر)ڈائمنڈ لیگ پیرس 2024 ء میں قومی جیولن تھرور ارشد ندیم میڈل جیتنے میں ناکام۔چوتھی پوزیشن حاصل کرنے میں کامیاب رہے۔ ایونٹ کی بہترین تھرو 84.21 میٹر کی رہی۔پہلی کوشش میں 74.11 میٹر‘دوسری میں 80.28 میٹرجبکہ تیسری باری میں 82.71 میٹر کی تھرو کی۔ چوتھی باری میں 82.17 میٹراور پانچویں کوشش میں 84.21 میٹر کی تھرو کی۔ارشد ندیم ایونٹ میں شرکت کے بعد آج وطن واپس لوٹیں گے۔وطن واپسی کے بعد ارشد ندیم دوبارہ ٹریننگ کا آغاز کریں گے۔ارشد ندیم کا اگلا ہدف پیرس اولمپکس ہے، جس کیلئے ارشد قومی دستے کیساتھ 24 جولائی کو پیرس جائیں گے۔