لاہور (سپورٹس رپورٹر ) پہلی بار انٹرنیشنل پاور لفٹنگ مقابلے میں تین بہنیں پاکستان کی نمائندگی کریں گی۔ تین بہنیں پہلی بار انٹرنیشنل پاور لفٹنگ مقابلیمیں ایک ساتھ شریک ہوں گی جوایک ریکارڈ ہے۔ تین پاور لفٹر بہنیں سیبل سہیل، ویرونیکا سہیل اور ٹوئنکل سہیل ایشین پیسفک افریقن کمبائنڈ پاور لفٹنگ چیمپئن شپ میں شرکت کیلئے جنوبی افریقا روانہ ہوگئیں۔ ایونٹ میں تینوں بہنوں کے ویٹ کیٹگری کے مقابلے 9 اور10جولائی کو شیڈول ہیں جبکہ تینوں بہنیں 13جولائی کو ایکوئپڈ پاور لفٹنگ میں حصہ لیں گی۔ بین الاقوامی مقابلے میں شرکت کے ریکارڈ کے ساتھ تینوں بہنیں میڈلز لے کر عالمی ریکارڈ قائم کریں گی جس کیلئے تینوں نے بھرپور محنت کی ہے۔