لاہور ( نامہ نگار )سیف سٹیز اتھارٹی نے 15 کال پر فوری ایکشن لیتے ہوئے گاڑی کے شیشے چوری کرنے والے چور گرفتار کروا دئیے۔  پنجاب سیف سٹیز اتھارٹی کو ایمرجنسی ہیلپ لائن پر گاڑی کے شیشے چوری ہونے کی اطلاع ملی۔ خاتون کالر نے بتایا کہ ملزمان نے اس کے گھر کے باہر سے گاڑی کے شیشے چوری کر لئے ہیں۔ سیف سٹی ٹیم نے واقعہ کی اطلاع پر ملزمان کے مکمل روٹ کو ٹریس کیااور فوٹیجز کی مدد سے ملزمان کو گرفتار کر لیا۔ ملزمان سے چوری شدہ شیشے برآمد کرتے ہوئے مالک کے حوالے کر دیئے ہیں۔