لین دین تنازعہ پر فائرنگ‘45سالہ شخص قتل ‘ایک زخمی ‘ملزم گرفتار

 لاہور ( نامہ نگار )شمالی چھائونی کے علاقہ میں جوڑے پل کے قریب لین دین کے تنازعہ پر فائرنگ کے نتیجے میں 45سالہ جاں بحق اور ایک زخمی ہو گیا ، پولیس نے چھت سے کود کر فرار ہونے کی کوشش کرنے والے ملزم کو زخمی حالت میں گرفتار کر لیا۔ شمالی چھائونی، جوڑے پل کے قریب لین دین کے تنازعہ پر نے ملزم شفیق کی فائرنگ سے 45سالہ امتیاز جاں بحق اور افضل زخمی ہو گئے۔ زخمیوں کو ہسپتال منتقل کیا گیا لیکن امتیاز زخموں کی تاب نہ لاتے ہوئے جانبر نہ ہو سکا جبکہ زخمی افضل کا علاج معالجہ جاری ہے۔شمالی چھائونی پولیس نے فوری کارروائی کر کے چھت سے کود کر فرار ہونے کی کوشش میں ملزم شفیق کو زخمی حالت میں گرفتار کر کے ہسپتال منتقل کر دیا ۔پولیس اور فرانزک ٹیم نے شواہد اکھٹے کئے اور نعش پوسٹمارٹم کیلئے ڈیڈ ہائوس منتقل کر دی گئی۔ مقتول کے بیٹے علی احمد کی مدعیت میں نامزد ملزم شفیق کیخلاف مقدمہ درج کر لیا گیا۔ایس پی کینٹ، ایس ڈی پی او نارتھ، ایس ایچ او بھاری نفری کے ہمراہ موقع پر موجود رہے۔