لاہور ( خصوصی نامہ نگار )محکمہ اوقاف ومذہبی امور پنجاب کے زیر اہتمام اہل بیت اطہارؓ اورصحابہ کرام رضوان اللہ علیہم اجمعین کے افکار اور حیات وتعلیمات کے حوالے سے ان کے خصوصی ایام کی مناسبت سے سیمینار ز اور کانفرنسز کا اہتمام کیا جاتا ہے۔ یکم محرم الحرام حضرت سیّدنا عمر فاروقؓ کا’’یوم شہادت‘‘ ہے۔ اسی مناسبت سے ’’ حضرت سیّد نا عمر فاروقؓ  کانفرنس ‘‘ زیرِ صدارت سیکرٹری اوقاف پنجاب ڈاکٹر طاہر رضا بخاری، یکم محرم الحرام1446ھ آج بوقت 11:30بجے دن،کمیٹی روم ایوانِ اوقاف لاہور میں منعقد ہوگی۔جس میں علمی، دینی و روحانی حلقوں کی ممتاز اور معتبر شخصیات شریک ہوں گی۔