کچے میں خیرپور پولیس کا ڈاکوؤں کے ساتھ مقابلہ‘ مغوی تاجر ڈرائیور سمیت بازیاب

خیرپور (نامہ نگار) ایس ایس پی خیرپور زبیر نظیر احمد شیخ کے مطابق لاڑکانہ خیرپور پل کے قریب کچے میں آپریشن کے دوران مقابلے میں دو مغویوں لاڑکانہ کے رہائشی تاجر گھنو خان جتوئی اور اس کے ڈرائیور دامن علی کو  اغوا کاروں سے با حفاظت  بازیاب کرایا گیا۔ بازیاب مغویوں کو گزشتہ رات لاڑکانہ خیرپور پل سے نامعلوم اغوا کاروں نے اغوا کر کے کچے منتقل کر دیا تھا۔ ایس ایس پی خیرپورکی سربراہی میں مغویوں کی بازیابی کیلیے  خیرپور پولیس کی جانب سے  کچے میں آپریشن شروع کیا گیا۔ ایس ایس پی کے مطابق علاقے میں سرچ آپریشن جاری ہے، ڈاکوئوں کو جلد گرفتارکر کے کیفر کردار تک پہنچایا جائے گا۔