جڑانوالہ: 3 دن سے بجلی کی معطلی، سینکڑوں  افراد کا مظاہرہ، فیصل آباد روڈ بلاک

جڑانوالہ (نمائندہ نوائے وقت) طوفانی بارش کے باعث جڑانوالہ و گرد و نواح میں بجلی کی فراہمی کا نظام معطل ہو کر رہ گیا۔ فیصل آباد روڈ پر واقع چک نمبر 121 گ ب میں 3 دن سے بجلی کی فراہمی معطل ہونے پر سینکڑوں افراد نے جڑانوالہ فیصل آباد روڈ بلاک کر کے فیسکو کے خلاف شدید نعرے بازی کی۔ پولیس سے مذاکرات پر مظاہرین پُرامن طور پر منتشر ہو گئے۔