ملازمت پیشہ خواتین،طالبات کیلئے اسلام آباد میں مفت بس سروس شروع کرنے کا اعلان 

اسلام آ باد (نمائندہ نوائے وقت) حکومت کی جانب سے اسلام آباد کی ملازمت پیشہ خواتین اور طالبات کیلئے مفت بس سروس شروع کرنے کا اعلان کیا گیا ہے  پنک بس سروس کا آغاز گرمیوں کی تعطیلات ختم ہوتے ہی  یکم اگست سے ہو جائے گا  ۔کراچی اور گلگت کے بعد اب اسلام آباد میں بھی پنک بس سروس کا آغاز ہونے جا رہا ہے، جو ملازمت پیشہ خواتین،طالبات کے لیے مفت ہو گی۔  پنک بس سروس کا آغاز گرمیوں کی تعطیلات ختم ہوتے ہی یعنی یکم اگست سے ہو جائے گا ، ابتدائی طور پر 20 پنک بسیں اسلام آباد کے 4 مختلف روٹس پر چلائی جائیں گی۔ جن میں ترامڑی، بارہ کہو، ہمک اور ترنول شامل ہیں۔ یہ بسیں صبح 6 سے 9 بجے تک اور پھر دوپہر 12 سے 3 بجے تک چلائی جائیں گی ،بس سروس میں زیادہ ترجیح طالبات کو دی جائے گی، تاہم جگہ ہونے کی صورت میں کوئی بھی خاتون اس بس میں مفت سفر کر سکے گی۔