اسلام آبادپولیس کی جانب سے ماڈل کالج فار گرلز ایف7/4میں روڈ سیفٹی ورکشاپ

اسلام آباد( اپنے سٹاف رپورٹر سے)اسلام آبادپولیس کی جانب سے اسلام آباد ماڈل کالج فار گرلز ایف7/4میںطلباو طالبات کیلئے ایک روزہ روڈ سیفٹی ورکشاپ کا انعقادکیا گیاورکشاپ میں 250سے زائد طلباو طالبات نے شرکت کی جنہیں روڈ سیفٹی اور دیگر ٹریفک قوانین کے متعلق آگاہی فراہم کی گئی اسلام آباد ٹریفک پولیس آگاہی ونگ نے طلباو طالبات کو روڈ سیفٹی،محتاط ڈرائیونگ اور دوران ڈرائیونگ موبائل سننے کے خطرات،سیٹ بیلٹ کے استعمال،ہیلمٹ کے بغیر مو ٹر سائیکل چلانے کے خطرات،سڑک استعمال کرنے والے دیگر افراد کے حقوق کا خیال رکھنا،اوورہیڈ برج کے استعمال،زیبراکراسنگ کا استعمال،تیز رفتاری کے خطرات اور دیگر ٹریفک قوانین کے متعلق آگاہی فراہم کی،اس موقع پر ادارے کی پرنسپل ڈاکٹر سعدیہ عزیزاوردیگر سٹاف نے اسلام آباد پولیس کی طرف سے چلائی گئی آگاہی مہم کو سراہا۔