پیپلز پارٹی عوامی امنگوں کی حقیقی ترجمان ہے ،سردار غلام قادر جھنڈیال 

کھنڈہ (نامہ نگار)پا کستان پیپلز پارٹی کے ر ہنما سابق امیدوار وا ئس چئیرمین سردار غلام قادر جھنڈیال نے کہا ہے کہ پیپلز پارٹی عوامی امنگوں کی حقیقی ترجمان ہے جو غریب عوام کے حقوق کی خاطر ایوانوں کے اندر اور باہر اپنا بھرپور کردار ادا کررہی ہے چئیرمین بلاول بھٹو زرداری کی قیات میں جمہوریت کے فروغ کی جدوجہد جاری رہے گی گورنر پنجاب سردار سلیم حیدر خان کی مدبرانہ قیادت میں عوامی مسائل حل کیے جارہے ہیں غریب عوام کی فلاح و بہبود میں کوئی کسر اٹھا نہ رکھی جائے گی,,نوائے وقت ,, سے گفتگو میں انہوں نے کہا کہ قائد عوام شہید ذوالفقارعلی بھٹو نے ہمیں ملکی استحکام عوامی خوشحالی اور جمہوریت کا درس دیا جسے مشعل راہ بنا کر ہم ہر سطح پر بھرپور جدوجہد کررہے ہیں انہوں نے کہا کہ اس کاز کی خاطر پارٹی قیادت اور کارکنوں نے لازوال قربانیاں دیں پارٹی قیادت نے وفاقی حکومت پر واضح کردیا ہے کہ عوام پر مہنگائی کا مزید بوجھ کسی صورت نہ ڈالا جائے اگر ایسا کوئی اقدام اٹھایا گیا تو پیپلز پارٹی اسکی کھل کر مخالفت کرے گی انہوں نے کہا کہ عوام کی فلاح و بہبود ہماری کلیدی ترجیح ہے جس پر کوئی سمجھوتہ نہیں کیا جاسکتا ہم پارٹی چئیر مین بلاول بھٹو زرداری کی قیادت میں متحد ہیں اور جمہوری اقدار کے فروغ و عوامی فلاح و بہبود کی جدوجہد جاری رکھے ہوئے ہیں۔