کراچی کے علاقے نارتھ کراچی میں نامعلوم ملزمان نے فائرنگ کر کے ا زکو ة و عشر کمیٹی گلبرگ ٹائون عبد القیوم کو قتل کردیا ۔ ایس ایس پی سینٹرل ذیشان صدیقی کے مطابق نارتھ کراچی میں انڈہ موڑ کے قریب نامعلوم ملزمان نے فائرنگ کر کے عبدالقیوم نامی شخص کو قتل کیا ۔ انہوں نے بتایا کہ مقتول سے ملزمان نے کوئی لوٹ مار نہیں کی بلکہ ٹارگٹ کر کے قریب سے اسے 2 گولیاں ماری ہیں۔پولیس کے مطابق مقتول عبدالقیوم کی جیب سے وزیٹنگ کارڈ ملا ہے جس کے مطابق عبدالقیوم کا تعلق سٹی ڈسٹرکٹ گورنمنٹ کے فنانس ڈیپارٹمنٹ سے تھا اور وہ بلدیاتی زکو اور عشر کمیٹی کا گلبرگ ٹائون کا چیئرمین تھا۔پولیس کے مطابق جائے وقوع سے شواہد اکٹھے کر لئے ، اطراف میں سی سی ٹی وی ویڈیو بھی تلاش کر رہے ہیں۔مقتول کی لاش پوسٹ مارٹم کے لئے ہسپتا ل منتقل کر دی گئی ۔