پریمیئرشومیں فلم کے پروڈیوسراور معروف فلم سٹار ول سمتھ اورجیکی چن کےعلاوہ کئی فلمی ستاروں نے شرکت کی۔ فلم کی کہانی ایک بچے کے گرد گھومتی ہے جو اپنی ماں کے ساتھ امریکہ چھوڑ کر چین میں رہائش پذیر ہوجاتا ہے ۔ ثقافتی تضاد کے باعث فلم کے مرکزی کردار ڈری پارکر سے دیگر بچے گھلنے ملنے سے گریز کرنے کے ساتھ ساتھ اسے ڈراتے دھمکاتے بھی ہیں ۔ ڈری کی اس مشکل کو دیکھ کر اس کا استاد ہان اسے چین کے طور طریقوں کے ساتھ ساتھ دشمنوں سے بچاؤ کیلئے کراٹے سکھاتا ہے۔ فلم میں ہان کا کردار معروف فلم ایکٹر جیکی چن ادا کررہے ہیں۔