کراچی (آن لائن) کراچی کے علاقے ملیر میں دو روز قبل اغوا کے بعد ایم کیو ایم کے تین حامیوں کے قتل کا مقدمہ درج کر لیا گیا۔ مقدمے میں اغوا‘ قتل اور اقدام قتل کی دفعات شامل کی گئی ہیں۔ کراچی کے علاقے ملیر میں دو روز قبل گارمنٹ فیکٹری میں کام کرنے والے ایم کیو ایم کے تین ہمدردوں کے قتل کا مقدمہ ملیر سٹی تھانے میں درج کر لیا گیا ہے۔ مقدمہ دو نامزد ملزمان سوہیل ڈاڈا اور اکبر ملیری سمیت سات افراد کے خلاف درج کیا گیا ہے جس میں قتل‘ اقدام قتل اور اغوا کی دفعات شامل کی گئی ہیں۔ افسوسناک واقعے کے بعد سے اب تک کوئی گرفتاری عمل میں نہیں آسکی ہے۔