کراچی ائرپورٹ پر 2طیاروں سے پرندے ٹکرا گئے، ایک طیارہ حادثے سے بال بال بچا

کراچی (نوائے وقت رپورٹ+ آئی این پی) ایک ہی دن میں کراچی ائرپورٹ پر 2طیاروں سے پرندے ٹکرا گئے۔ طیارے نقصان سے محفوظ رہے۔ آئی این پی کے مطابق بتایا گیا ہے کہ ملتان سے کراچی آنے والی قومی ایئرلائن کی پرواز PK-743 لینڈنگ سے قبل حادثے سے بچ گئی۔ ملتان سے عملے کے افراد سمیت 503 مسافروں کو کراچی لانے والی پرواز سے ایئرپورٹ کے قریب پرندہ ٹکراگیا۔ ایئرپورٹ ذرائع کے مطابق طیارے کو بحفاظت اتار کر مرمت کے لئے ہینگر میں پہنچادیا گیا ہے۔ طیارے کو معمولی نقصان پہنچا ہے جس کے بعد چند گھنٹوں میں مرمت کا کام مکمل کرلیا جائے گا۔