لندن (نوائے وقت رپورٹ) مشرقی لندن میں پولیس نے پاکستانی فیملی کے 5 افراد کو گرفتار کر لیا۔ برطانوی پولیس نے پاکستانی خاندان کے گھر کی تلاشی بھی لی ہے۔ میڈیا رپورٹس کے مطابق اس بلاک میں رہنے والی ایک خاتون نے بتایا کہ اس نے بٹ کی مشکوک سرگرمیوں کے بارے میں دو سال پہلے اور اسکے بعد بھی اس وقت پولیس کو شکایت کی تھی جب بٹ نے اس کے بیٹے کو اسلام قبول کرنے پر قائل کرنے کی کوشش کی تھی۔ کمیونٹی کے رہنماؤں کا کہنا تھا کہ تمام مقامی مساجد حملے کی مذمت میں یک زبان اور متحد ہیں۔ مسلم کمیونٹی ہفتے کے حملے سے کسی بھی طور منسلک ہونے کو مسترد کرتی ہے۔ تمام مسلم کمیونٹی میں خوف کی فضا ہے۔