عیدالفطر: 26 جون سے تین تعطیلات کا اعلان، وفاقی ملازمین پانچ چھٹیاں منائینگے، پنجاب میں 20 تاریخ تک تنخواہیں ادا کرنے کا حکم

اسلام آباد (نوائے وقت رپورٹ) وفاقی حکومت نے عیدالفطر کی چھٹیوں کا اعلان کردیا ہے۔ نوٹیفکیشن کے مطابق 26، 27 اور 28 جون کوعیدالفطر کی چھٹیاں ہوں گی۔وفاقی ملازمین کی اتوار کے ساتھ ہفتہ کی بھی چھٹی ہوتی ہے اسلئے وہ 5 چھٹیوں کے مزے اُڑائیں گے۔ واضح رہے کہ پاکستان میں عیدالفطر پیر 26 جون یا منگل 27 جون کو منائی جائیگی۔ علاوہ ازیں پنجاب حکومت نے سرکاری ملازمین اور پنشنرز کو 20 تاریخ تک ادائیگیاں کرنے کا حکم دیا ہے۔