دوروزقبل لاپتہ ہونے والے 22سالہ نوجوان کی نعش برآمد

لاہور(نامہ نگار)جنوبی چھاؤنی کے علاقے میں سے دو روز قبل پراسرار طور پر لاپتہ ہونے والے22سالہ نوجوان حمزہ کی لاش مل گئی ہے۔پولیس نے لاش پوسٹ مارٹم کے لئے مردہ خانے جمع کرا کر تفتیش شروع کردی ۔تفصیلات کے مطابق جنو بی چھاؤنی کے علاقے میں دو روز قبل22سالہ حمزہ اپنے دوستوں کے ہمراہ ایک شادی کی تقریب میں گیا،مگر گھر واپس نہ آیا۔گزشتہ روز حمزہ کی آرے بازار سے  نعش مل گئی ۔اطلاع ملنے پر پولیس نے موقع پر پہنچ کر نعش قبضے میں لے کر پوسٹ مارٹم کے لئے مردہ خانے جمع کرا کرنشے،اور قتل سمیت مختلف پہلوؤں پر تفتیش شروع کردی ہے ۔