کامونکے:ڈاکوئوں نے کار سوار فیملی،گھر لوٹ لیا،ایک پکڑا گیا،چھترول

کامونکے+گکھڑمنڈی(نامہ نگاران)گزشتہ روزانڈراس مسیح فیملی کے ہمراہ کار میں گوجرانوالہ سے واپس گاؤں جارہاتھا راستے میںکھڑے ڈاکوؤں نے ان سے تیس ہزارروپے نقدی اور6 تولہ وزنی زیور ات اور پاس سے گزرنے والے موٹرسائیکل سوارفیصل سکنہ لالو پور سے بھی 29 ہزار روپے چھین لئے ادھر کسوکی روڈ پر ڈاکٹر عبدالستار کے میڈیکل سٹور سے ملحقہ گھر میں چار ڈاکو گھس آئے اور اہل خانہ کو یرغمال بنا کر پچاس ہزار روپے نقدی اور دیگر قیمتی اشیا لوٹ لیں ۔گھروالوں نے شور مچا دیا جس پر اہل محلہ اکٹھے ہو گئے اور ڈاکوؤں کو گھیرے ڈال لیا تو تین ڈاکو فائرنگ کرتے فرار ہوگئے جبکہ ایک ڈاکو عوام کے ہتھے چڑھ گیا جس کی اہل محلہ نے خوب درگت بنا کر پولیس کے حوالے کردیا ادھرگکھڑمنڈی میںہوہیانوالی نہر کی پٹری پر موٹر سائیکل سوار نقاب پوش 2ڈاکوئوں نے پک اپ ڈرائیور صابر حسین سکنہ کوٹلی باوا فقیرسے 22ہزارروپے، راہگیر علی احمد اور بابر علی باجوہ سے 3 5 ہزار روپے اور موبائل فون چھین لیے۔