اسلام آباد(نیوزرپورٹر )تقریباً چار سال کے وقفے کے بعد پی ٹی وی ہوم سے ایک بار پھر ڈراموں کا آغاز ہونے جا رہا ہے اس سلسلے کی ایک کڑی پوٹھوہاری ڈرامہ سیریل براگ ہے جس کی ریکارڈنگ شروع کر دی گئی ہے 25 منٹ دورانیے کی 13 قسطوں پر مشتمل اس ڈرامہ سیریل کی ڈرامائی تشکیل شعب خالق نے دی ہے،نوجوان پروڈیوسر سید عاطف گردیزی کی معاونت سے باصلاحیت پروڈیوسر مصباح یوسف اس سیریل کی ہدایات دے رہے ہیں جب کہ محبوب جان کی معاونت بھی حاصل ہے فائنل رہرسل کی تقریب میں پروڈیوسرز، تیکنیکی عملے اور فنکاروں کے ساتھ ساتھ پی ٹی وی ہوم کے جنرل منیجر مرزا امجد جاوید نے بھی خصوصی شرکت کی اور فنکاروں سے بات جیت کے دوران کہا کہ ان کی خواہش اور کوشش ہے کہ ڈراموں کا سلسلہ اب جاری رہے، مذکورہ سیریل کے فنکاروں میں رابعہ تبسم، طارق بٹ،سکینہ ناز، باطن فاروقی،شبیر مرزا، سلیم رضا،شبیر شاہ، شمع خان، روحیل ، علی رضااور جاسمین کیانی کے علاوہ دیگر شامل ہیں ۔