لاہور(نامہ نگار)شہرکے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات،موبائل فون، گاڑیاں ، موٹر سائیکلیں اور دیگر سامان لوٹ لیا ہے ۔تفصیلات کے مطابق  ڈاکوؤںنے کوٹ لکھپت کے علاقے میںوحیدکے گھر گھس کر اہلخانہ کو گن پوائنٹ پر یرغمال بناکر5 لاکھ17 ہزار روپے مالیت ، ہنجروال میں جاوید کے گھر سے 3لاکھ 44ہزار روپے مالیت ، ہربنس پورہ میں اعجاز کے گھر سے 2لاکھ31 ہزارروپے مالیت کی نقدی ،طلائی زیورات اور دیگر سامان،شاہدرہ ٹاؤن کے علا قے میں امتیاز اور اس کی فیملی سے اسلحہ کے زور پر 3لا کھ78ہزار روپے مالیت،گجر پورہ کے علا قے میںفرخ اور اس کی فیملی سے اسلحہ کے زور پر 2لا کھ14ہزار روپے مالیت کی نقدی، طلائی زیورات اورموبائل فون، نواں کوٹ میں اطہر سے ایک لاکھ11 ہزار روپے اور موبائل فون،برکی کے علاقے میںمنیب سے2 لاکھ 13 ہزارروپے اور موبائل فون ، لاری اڈہ کے علاقے میں 3 3ہزار روپے اور موبائل فون لوٹ لیا ہے ۔چوروںنے ہئیرکے علاقے میں ایک گھر سے2لاکھ70ہزار روپے مالیت کی نقدی ،طلائی زیورات و دیگر سامان چوری کر لیا ہے۔چوروں نے ڈیفنس، اچھرہ اور سمن آباد کے علاقوں سے تین کاریں، ہنجروال کے علاقے سے رکشہ جبکہ قلعہ گجر سنگھ،اقبال ٹاؤن، نولکھا، گرین ٹاؤن،باغبانپورہ اور کاہنہ کے علاقوں سے چھ موٹر سائیکلیں چوری کر لی ہیں۔