ملتان( اسپورٹس رپورٹر)ویسٹ انڈیز کرکٹ ٹیم کے کوچ فلپ سمنز نے کہاہے کہ پاکستان میں پچز بیٹسمینوں کے لیے سازگار ہوتی ہیں ۔ میڈیا سے گفتگو میں گرم سیزن میں کرکٹ سیریز کے بارے میں انہوںنے کہا کہ اس سے ہماری ٹیم کی کارکردگی پر کوئی فرق نہیں پڑتا، ہمارے لیے یہ سیریز اہم ہے کیونکہ یہ آئی سی سی ورلڈ مینز سیریز  کے سلسلے کی یہ سیریز ہے،ہم سیریز کھیلتے ہوئے کوئی دبائو محسوس نہیں کر رہے کہ ویسٹ انڈیز ٹیم ہمیشہ اپنے سٹائل کی کرکٹ کھیلنے پر توجہ دیتی ہے۔ انہوں نے ملتان میں سیریز کے انعقاد کے بارے میں کہا کہ ملتان میں کھیلنا اچھا لگ رہا ہے ملتان کے شائقین سپورٹنگ ہیں اور کھیلنے کی کنڈیشن بھی حوصلہ افزاء ہے۔