لاہور(سپورٹس رپورٹر) امارات کرکٹ بورڈ نے اپنی ٹی20 لیگ (آئی ایل ٹی) کے افتتاحی مرحلے کی تاریخوں کا اعلان کردیا۔ امارات کی انٹرنیشنل لیگ ٹی20 اگلے سال 6 جنوری سے 12 فروری تک ہوگی۔یہ لیگ ” بین الاقوامی لیگ ٹی20 یا “آئی ٹی ایل 20 کہلائے گی۔امارات کرکٹ بورڈ کے چیئرمین شیخ نہیان بن مبارک نے کہا ہے کہ امارات کرکٹ بورڈ کو متحدہ عرب امارات کی نئی قائم کردہ ٹی ٹونٹی لیگ میںتمام شراکت داروں کا خیرمقدم کرتے ہوئے خوشی محسوس ہورہی ہے۔ شراکت داروں کے ذریعے امارات کرکٹ بورڈ اعتماد کا مظاہرہ کرتے 
ہوئے کھیل کو کامیابی کی جانب لے جائےگا۔ جیسا کہ ہم اس طویل سفرکا آغاز کررہے ہیں تو مجھے یقین ہے کہ ہم مل کر نئی بلندیاں کو چھوئیں گے اور دنیا بھر کے لاکھوں شائقین کو تفریح اورجوش و خروش فراہم کریں گے جو یو اے ای ٹی 20 لیگ کی پہلی گیند پھینکے جانے کے منتظر ہیں۔ بورڈ کی جانب سے سب کو یہ یقین دلاتا ہوں کہ میدان میں کرکٹ کےساتھ تفریح میں آپ متحدہ عرب امارات کی روایتی مہمان نوازی سے بھی لطف اندوز ہوں گے۔
واضح رہے کہ لیگ کا شیڈول پاکستان سپر لیگ سے متصادم ہے ۔