میپکو نے لوڈمینجمنٹ کا  نیاشیڈول جاری کردیا

ملتان (نیوز رپورٹر)میپکو نے لوڈمینجمنٹ کا نیاشیڈول جاری کردیا۔ صارفین کی سہولت کیلئے نئے شیڈول میں کیٹگری 3کے فیڈرز پر بھی لوڈمینجمنٹ کا دورانیہ5گھنٹے سے کم کرکے 4گھنٹے کردیا۔ میپکو جنوبی پنجاب کے 13اضلاع کے صارفین کو 1700فیڈرز کے ذریعے بجلی فراہم کررہی ہے ان میں سے 282انفرادی صنعتی اور حساس فیڈرز پر لوڈمینجمنٹ نہیں کی جارہی  جبکہ بقایا1418فیڈرز میں سے 1402فیڈرز جو کیٹگری 1سے3تک لائن لاسز کے حامل ہیں ان پر اب صرف چار گھنٹے لوڈمینجمنٹ کی جائیگی۔ بقایا 16فیڈرز پر ان کے لائن لاسز کے مطابق 6سے8گھنٹے لوڈمینجمنٹ کی جائیگی۔