روسی صدر ولادیمیر پیوٹن اور سعودی ولئ عہد محمد بن سلمان کے درمیان ٹیلی فون پر بات ہوئی ہے۔ سرکاری خبر رساں ایجنسی ایس پی اے نے بدھ کو اطلاع دی کہ سعودی عرب کے ولئ عہد شہزادہ محمد بن سلمان کو روسی صدر ولادیمیر پیوٹن کا فون آیا۔گفتگو کے دوران دونوں رہنماؤں نے دونوں ممالک کے درمیان تعلقات اور مختلف شعبوں میں تعاون کو فروغ دینے کے ذرائع پر تبادلہ خیال کیا۔رہنماؤں نے حالیہ صورت حال سمیت متعدد امور اور مشترکہ دل چسپی کے امور پر بھی تبادلہ خیال کیا۔