لاہور(سپورٹس رپورٹر)سپورٹس اینڈ یوتھ افیئرز ڈیپارٹمنٹ پنجاب کے زیر اہتمام سمر گیمز 2024ء کے تحت تیسرے مرحلے میں کبڈی چیمپئن شپ پنجاب سٹیڈیم میں شروع ہوگئی ہے، ڈائریکٹر ایڈمن سپورٹس بورڈ پنجاب محمد کلیم انٹرڈویڑن کبڈی چیمپئن شپ کی افتتاحی تقریب کے مہمان خصوصی تھے۔  مہمان خصوصی ڈائریکٹر ایڈمن محمد کلیم سے کھلاڑیوں کا تعارف کرایا گیا اور گروپ فوٹوز بھی بنوائے، ڈھول کی ٹھاپ پر شائقین کبڈی نے بھنگڑے ڈالے۔افتتاحی میچ میں ساہیوال ڈویژن نے ڈی جی خان کو 45-33پوائنٹس سے شکست دیدی۔