امریکی کرکٹر نے حارث رئوف پر بال ٹیمپرنگ کا الزام عائد کردیا

لاہور(سپورٹس رپورٹر) فاسٹ بائولر حارث رئوف پر بال ٹیمپرنگ کا الزام بھی لگ گیا۔امریکی کرکٹر رسٹی تھیرون نے سماجی رابطے کی ایکس (ٹوئٹر)پر ٹوئٹمیں  پاکستانی ٹیم کے فاسٹ بائولر حارث رئوف پر بال ٹیمپرنگ کا الزام عائد کرتے ہوئے کہا کہ میچ کے دوران فاسٹ بائولر نے انگلی کے ناخن کا استعمال کرتے ہوئے گیند کیساتھ چھیڑ چھاڑ کرنے کی کوشش کی۔رسٹی تھیرون نے آئی سی سی کو ٹیگ کرتے ہوئے سوال کیا کہ کیا ایسا دیکھانے کی کوشش کی جارہی ہے کہ بائولر نے ٹیمپرنگ نہیں کی؟ گیند تبدیل ہونے کے محض 2اوورز بعد کیسے سوئنگ ہونے لگی؟۔