یوایم ٹی میں سکول آف ہیلتھ سائنسز کے زیر اہتمام لیڈرشپ پر سیمینار

لاہور (لیڈی رپورٹر ) یونیورسٹی آف مینجمنٹ اینڈ ٹیکنالوجی کے سکول آف ہیلتھ سائنسز کے زیر اہتمام لیڈرشپ پر سیمینار منعقد کیا گیا، جس میں سابق صوبائی وزیر صحت پروفیسر ڈاکٹر جاوید اکرم نے بطور مہمان خصوصی شرکت کی۔ اس موقع پر سابق صوبائی وزیر اور صدر یوایم ٹی ابراہیم حسن مراد نے بھی خصوصی شرکت کی۔ سیمینار میں ریکٹر یوایم ٹی ڈاکٹر آصف رضا، سکولز کے ڈینز، ڈائریکٹرز، اور چیئر پرسنز بھی موجود تھے۔ پروفیسر ڈاکٹر جاوید اکرم نے ابراہیم مراد کے لیڈرشپ کے فروغ میں کیے جانیوالے اقدامات کو خوب سراہا اور کہا کہ کسی بھی ادارے کی کامیابی کے پیچھے اسکی لیڈر شپ کا بہت اہم کردار ہوتا ہے۔ ہمیں کسی بھی انسان کو حقیر نہیں سمجھنا چاہئے کیونکہ ہر انسان میں لیڈر شپ کی صلاحیت موجود ہوتی ہے، لیکن ضرورت اس بات کی ہوتی ہے کہ ان صلاحیتوں کو پہچان کر انہیں بروئے کار لایا جائے۔